ஊத்தங்கரையில், காதி கிராஃப்ட் கடையில் திருட முயன்று, சாமர்த்தியமாக தப்பி சென்ற இளைஞர்களை, சிசிடிவி காட்சிகளை வைத்து, போலீசார் தேடி வருகின்றனர்.
கிருஷ்ணகிரி மாவட்டம் ஊத்தங்கரை பெருமாள் கோயில் தெருவில் உள்ள திருப்பத்தூர் சர்வோதயா சங்கம் காதி கிராப்ட் கடையில், இளைஞர்கள் 2 பேர் கடையை நோட்டமிட்டு, கல்லா பெட்டியில் இருந்த பணத்தை திருட முயன்றனர். அப்போது, அருகே சென்றிருந்த கடை உரிமையாளர் திரும்பி வருவதைப் பார்த்து, பணத்தை கல்லா பெட்டியிலேயே போட்டுவிட்டு, அவரிடம் பேச்சுக் கொடுத்து, சாமர்த்தியமாக தப்பிச் சென்றனர்.
பின்னர், சிசிடிவி காட்சிகளைப் பார்த்து அதிச்சியடைந்த கடையின் உரிமையாளர் கொடுத்த புகாரின் பேரில், தப்பிச் சென்ற திருடர்களை, சிசிடிவி பதிவுகளை வைத்து போலீசார் தேடி வருகின்றனர்.