அடுத்தாண்டு டிஎன்பிஎஸ்சி தேர்வுகள் எப்போது?

அடுத்தாண்டு நடைபெற உள்ள டிஎன்பிஎஸ்சி தேர்வுகள் குறித்த அட்டவணையை தமிழ்நாடு அரசு பணியாளர் தேர்வாணையம் வெளியிட்டுள்ளது.

தமிழ்நாடு அரசுப் பணியாளர் தேர்வாணையம் வெளியிட்டுள்ள அட்டவணையின்படி, குரூப் 1 முதன்மை தேர்வு ஜனவரி 3ஆம் தேதி நடத்தப்படும் என அறிவிக்கப்பட்டுள்ளது. குரூப் 4 விஏஓ தேர்வுக்கான அறிவிப்பு அடுத்த ஆண்டு செப்டம்பர் மாதமும், குரூப் 2 மற்றும் குரூப் 2 A தேர்வுக்கான அறிவிப்பு மே மாதமும், குரூப் 3 தேர்வுக்கான அறிவிப்பு அடுத்த ஆண்டு ஜூலை மாதமும் வெளியிடப்படும் என அறிவிக்கப்பட்டுள்ளது. மொத்தமாக அடுத்த ஆண்டில் 42 தேர்வுகளுக்கான அறிவிப்புகள் வெளியாக உள்ளதாகவும், அதிகாரப்பூர்வ இணையதளத்தில் கூடுதல் விவரங்களை தெரிந்துகொள்ளலாம் என்றும் டிஎன்பிஎஸ்சி தெரிவித்துள்ளது. அடுத்த ஆண்டு பத்தாயிரத்திற்கும் மேற்பட்ட காலி பணியிடங்கள் நிரப்பப்படலாம் என எதிர்பார்க்கப்படுகிறது.