தமிழகம் முழுவதும் 5 ஆயிரத்து 700 பள்ளி கட்டிடங்களுக்கு காணொலி மூலம் ஸ்டாலின் அடிக்கல் நாட்டினார். அந்த வகையில் திருநெல்வேலி மாவட்டம் நாங்குநேரி ஊராட்சி ஒன்றிய நடுநிலைப்பள்ளி வளாகத்தில் முதல்வரின் நிகழ்ச்சிக்காக ஏற்பாடு செய்யப்பட்டிருந்தது. ஆனால், முறையான ஏற்பாடுகளை செய்யாததால் மாணவர்கள் வெயிலில் நீண்ட நேரம் அமர்ந்திருக்கும் அவல நிலை ஏற்பட்டது. அதிக வெயில் காரணமாக தொலைக்காட்சியில் நிகழ்ச்சிகள் சரியாக தெரியவில்லை எனவும் குற்றச்சாட்டு எழுந்துள்ளது.
