கோவை விமான நிலையத்திற்கு வந்த முதலமைச்சர் எடப்பாடி பழனிசாமிக்கு அதிமுக தொண்டர்கள் மேளதாளம் முழங்க சிறப்பான வரவேற்பு அளித்தனர்.
13 நாட்கள் அரசுமுறைப் பயணமாக வெளிநாடு சென்ற முதலமைச்சர், செவ்வாய் அன்று தமிழகம் திரும்பினார். இந்த நிலையில், சென்னையிலிருந்து கோவைக்கு விமானம் மூலம் வந்த அவருக்கு, விமான நிலையத்தில் குவிந்த அதிமுக தொண்டர்கள் முளைப்பாரி எடுத்து வரவேற்றனர். மேலும் அவருக்கு சால்வை அணிவித்து பூங்கொத்து கொடுத்து மகிழ்ந்தனர். அவருடன் உள்ளாட்சித்துறை அமைச்சர் எஸ்.பி. வேலுமணி உடனிருந்தார்.