ஆத்தூர் அருகே இருசக்கர வாகனத்தின் மீது தனியார் பேருந்து மோதிய விபத்தில் ஒரே குடும்பத்தைச் சேர்ந்த மூன்று பேர் உயிரிழந்தனர்.
சேலம் மாவட்டம் வெள்ளையூர் மணக்காடு பகுதியைச் சேர்ந்த சந்திரா, அவரது மகன் சக்திவேல் மற்றும் மகள் நித்யா ஆகிய மூவரும் இருசக்கர வாகனத்தில் தெடாவூர் நோக்கி சென்றுகொண்டிருந்தனர். அப்போது ஆத்தூரிலிருந்து திருச்சி நோக்கி சென்ற தனியார் பேருந்து இருசக்கர வாகனம் மீது பலமாக மோதியது. இந்த விபத்தில் மூவரும் சம்பவ இடத்திலேயே பலியாகினர். இதையடுத்து பேருந்து ஓட்டுநர் அங்கிருந்து தப்பியோடினார். தகவல் அறிந்து சம்பவ இடத்திற்கு வந்த காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர் .