காமாட்சியம்மன் கோயிலில் தங்கத் தேர் இழுத்து அமைச்சர் வழிபாடு

மறைந்த முதலமைச்சர் ஜெயலலிதா பிறந்தநாளையொட்டி, காஞ்சிபுரம் காமாட்சி அம்மன் கோயிலில் ஊரகத் தொழில் துறை அமைச்சர் பென்ஜமின் தங்கத் தேர் இழுத்து வழிபாடு நடத்தினார்.

மறைந்த முதலமைச்சர் ஜெயலலிதா பிறந்தநாளை முன்னிட்டும், முதலமைச்சர் எடப்பாடி
பழனிசாமி தலைமையிலான அதிமுக அரசு 4 ஆம் ஆண்டில் அடியெடுத்து வைத்துள்ளதையொட்டியும், அதிமுக நிர்வாகிகள் மற்றும் தொண்டர்கள் சிறப்பு வழிபாடு நடத்தி வருகின்றனர். இந்த நிலையில், காஞ்சிபுரம் காமாட்சி அம்மன் கோயிலில், ஊரகத் தொழில் துறை அமைச்சர் பென்ஜமின் தங்கத் தேர் இழுத்து வழிபாடு நடத்தினார். இந்த நிகழ்ச்சியில் காஞ்சிபுரம் மேற்கு மாவட்ட அதிமுக செயலாளர் வாலாஜாபாத் கணேசன் உள்ளிட்ட நிர்வாகிகள் மற்றும் தொண்டர்கள் பங்கேற்றனர். இதனைத் தொடர்ந்து பக்தர்களுக்கு அன்னதானமும் வழங்கப்பட்டது.