தமிழக பள்ளிக்கல்வி துறை சார்பில் உருவாக்கப்பட்டுள்ள, கல்வி தொலைக்காட்சி ஒளிபரப்பை முதலமைச்சர் எடப்பாடி பழனிசாமி வருகிற 26ம் தேதி தொடங்கி வைக்கிறார்.
தமிழக அரசின் பள்ளிக்கல்வி துறை சார்பில், மாணவர்கள் நலனுக்காக கல்வி தொலைக்காட்சி உருவாக்கப்பட்டு உள்ளது. சென்னை கோட்டூர்புரத்தில் உள்ள அண்ணா நூற்றாண்டு, நூலகத்தில் இந்த தொலைக்காட்சி நிலையம் அமைக்கப்பட்டுள்ளது. இந்த தொலைக்காட்சியின் ஒளிபரப்பை, முதலமைச்சர் எடப்பாடி பழனிசாமி வருகிற 26ம் தேதி துவக்கி வைக்கவுள்ளார்.
இதில் காலை 6 மணி முதல் இரவு 9.30மணி வரை கல்வி சார்ந்த பல்வேறு நிகழ்ச்சிகள் ஒளிபரப்பு செய்யப்படுகின்றன. கற்பித்தல், வேலைவாய்ப்பு, சுய தொழில், கலை மற்றும் பொது அறிவு உள்ளிட்ட பயனுள்ள பிரிவுகளில் நிகழ்ச்சிகள் ஒளிபரப்பு செய்யப்படவுள்ளன. நிகழ்ச்சிகள் அனைத்தும் பள்ளி, கல்லூரி மாணவர்கள், வேலை தேடும் இளைஞர்களுக்கு பயனுள்ள வகையில் அமைக்கப்பட்டுள்ளன.