உலக கோப்பை கிரிகெட் தொடரில் இன்றைய ஆட்டத்தில் இலங்கை அணி, தென் ஆப்ரிக்கா அணியை எதிர்கொள்கிறது.
இந்த தொடரில் 6 போட்டிகளில் விளையாடியுள்ள இலங்கை அணி 2 வெற்றி,2 தோல்விகளை பெற்று புள்ளி பட்டியலில் 7-வது இடத்தில் உள்ளது. அந்த அணி அரை இறுதிக்கு தகுதி பெற வேண்டுமெனில் அடுத்து வரும் அனைத்து ஆட்டங்களையும் வெல்லவேண்டிய கட்டாயத்தில் உள்ளது.
அதே நேரம் உலக கோப்பை போட்டிகளில் தொடர் தோல்வியை சந்தித்து வரும் தென் ஆப்ரிக்கா அணி , 7 போட்டிகளில் விளையாடி 1 வெற்றி 5 தோல்விகளை சந்தித்துள்ளது. அரை இறுதிப்போட்டிக்கு தகுதி பெறாமல் வெளியேற்றப்பட்டுள்ள அந்த அணி, இன்றைய ஆட்டம் மூலம் ஆறுதல் வெற்றி பெற முயற்சிக்கும். ரிவர்சைட் மைதானத்தில் நடைபெறும் இன்றைய ஆட்டம் இந்திய நேரப்படி பிற்பகல் 3 மணிக்கு தொடங்குகிறது.