இலங்கை அம்பாறை பகுதியில் நேற்று மாலை நடத்தப்பட்ட சோதனையில், பெரும் அளவிலான,ஆயுதங்கள், வெடிப் பொருட்களை தயாரிக்கும் மருந்து வகைகள் மீட்கப்பட்டுள்ளன.
இலங்கையில் அம்பாறை – சாய்ந்தமருது பகுதியில் நேற்று மாலை, காவல்துறையினர் மீது சில தரப்பினர் துப்பாக்கிசூடு நடத்தினர். இதையடுத்து, போலீசாரும், பதில் தாக்குதல் நடத்தினர்.அப்போது, மூன்று குண்டு வெடிப்பு சம்பவங்கள் நடந்ததாக, பாதுகாப்பு பிரிவின் சார்பில் தெரிவிக்கப்பட்டுள்ளது.
மேலும், அம்பாறை பகுதியில் சோதனை நடவடிக்கைகளின் போது, பெரும் அளவிலான ஆயுதங்கள், வெடிப் பொருட்களை தயாரிக்கும் மருந்து வகைகள், வயர்கள், வாசகங்களுடன் கொடிகளும் மீட்கப்பட்டுள்ளன. இந்த சம்பவத்தை அடுத்து, அம்பாறை – சாய்ந்தமருது பகுதியில் பாதுகாப்பு பலப்படுத்தப்பட்டுள்ளதாக போலீஸார் தெரிவித்தனர்.
இதனிடையே, வெள்ளிக்கிழமை, இரவு 10 மணி முதல் சனிக்கிழமை, காலை 4 மணி வரை இலங்கை முழுவதும் மீண்டும் ஊரடங்கு அமலுக்கு வந்தது.