மகாத்மா காந்தியின் 150 ஆவது பிறந்த நாளை போற்றும் வகையில் சென்னை உள்நாட்டு விமான நிலைய உள்வளாகத்தில், காந்தியின் வாழ்க்கை வரலாறு குறித்த புகைப்பட கண்காட்சி வைக்கப்பட்டுள்ளது.
கண்காட்சியில் மகாத்மா காந்தி தமிழகம் வந்தபோது எடுக்கப்பட்ட புகைப்படங்கள், காந்தி பங்கேற்ற நிகழ்ச்சிகள் அடங்கிய புகைப்படங்கள் மற்றும் அவர் நடத்திய போராட்டங்களின் புகைப்படங்கள் இடம்பெற்றுள்ளன. அவர் பயன்படுத்திய பொருட்களும் கண்காட்சியில் வைக்கப்பட்டுள்ளது. வாழ்க்கை வரலாறு குறித்த குறும்படங்கள், இறுதி ஊர்வல காட்சிகளும் ஒளிபரப்பபடுகின்றது. இதனை ஏரளமானோர் கண்டுகளித்தனர்.