அரக்கோணத்தில் அரசு பேருந்து மரத்தில் மோதி விபத்து

ஆந்திர மாநிலம் திருப்பதியில் இருந்து காஞ்சிபுரம் நோக்கி சென்று கொண்டிருந்தது. கல்லாறு அருகே கட்டுப்பாட்டை இழந்த பேருந்து சாலையோரத்தில் இருந்த புளிய மரத்தின் மீது மோதியது. இதில் பேருந்தில் முன்பக்கம் பலத்த சேதம் அடைந்தது. பேருந்தில் பயணித்த மூன்று குழந்தைகள் 7 பெண்கள் உட்பட 17 பேர் படுகாயமடைந்தனர். உடனடியாக அவர்கள் மீட்கப்பட்டு, அரக்கோணம் அரசு மருத்துவமனையில் அனுமதிக்கப்பட்டனர். விபத்து குறித்து அரக்கோணம் தாலுகா காவல்துறையினர் வழக்குப்பதிவு செய்து விசாரணை நடத்தி வருகின்றனர்.