சென்னை விமான நிலையத்தில் ரூ.90 லட்சம் மதிப்புள்ள கடத்தல் தங்கம் பறிமுதல்

ஷார்ஜா மற்றும் மலேசியா நாடுகளிலிருந்து சென்னைக்கு விமானங்களில் கடத்தி வரப்பட்ட 2.8 கிலோ தங்கம் சென்னை விமான நிலையத்தில் பறிமுதல் செய்யப்பட்டது. பயணிகளிடம் சுங்கத்துறை அதிகாரிகள் சோதனையில் ஈடுபட்ட போது, சென்னையை சேர்ந்த பார்கவி என்ற பெண் உள்ளிட்ட 4 பேர், உள்ளாடை மற்றும் ஏசி கருவிகளில் தங்கக் கட்டிகளை மறைத்து எடுத்து வந்தது தெரியவந்தது. இதையடுத்து, 90 லட்சம் ரூபாய் மதிப்புடைய தங்கக் கட்டிகளை அதிகாரிகள் பறிமுதல் செய்தனர்.