டெல்லியில் இன்று காங்கிரஸ் கட்சி பொதுச்செயலாளர்கள் மாநாடு

டெல்லியில் இன்று நடைபெறும் காங்கிரஸ் கட்சியின் பொதுச்செயலாளர்கள் மாநாட்டில் மக்களவை தேர்தலுக்கான வியூகங்கள் குறித்து ஆலோசிக்கப்பட உள்ளன.

மக்களவை தேர்தல் நெருங்கி வரும் நிலையில், காங்கிரஸ் சார்பில் டெல்லியில் அக்கட்சியின் பொதுச்செயலாளர்கள் மாநாடு இன்று நடைபெறுகிறது. மாநாட்டில் மாநில வாரியான கூட்டணி நிலவரம், தொகுதி பங்கீடு விவகாரம், தேர்தல் அறிக்கையில் இடம்பெறக்கூடிய அம்சங்கள் உள்ளிட்ட மக்களவை தேர்தல் வியூகங்கள் குறித்தும் விவாதிக்கப்படும் என கூறப்படுகிறது.

இந்ந மாநாட்டில் உத்தரப்பிரதேச கிழக்கு மாநில பொதுச்செயலாளராக நியமிக்கப்பட்டுள்ள பிரியங்கா காந்தி பங்கேற்கவுள்ளார். இதன் மூலம் தனது அரசியல் பணிகளை அவர் இன்று முதல் முழுவீச்சில் தொடங்க இருப்பது குறிப்பிடத்தக்கது.