மக்களவைத் தேர்தலில் காங்கிரஸ் கூட்டணி தோல்வியடையும்: ராமதாஸ்

மக்களவைத் தேர்தலில் காங்கிரஸ் கூட்டணி தோல்வியடையும் என பாமக நிறுவனர் ராமதாஸ் தெரிவித்துள்ளார்.

கிருஷ்ணகிரி நாடாளுமன்றத் தொகுதி அதிமுக வேட்பாளர் கேபி முனுசாமியை ஆதரித்து கிருஷ்ணகிரியில், பிரமாண்ட பொதுக்கூட்டம் நடைபெற்றது. இந்த பொதுக்கூட்டத்தில் பாமக நிறுவனர் ராமதாஸ் மற்றும் அக்கட்சியின் தலைவர் ஜிகே மணி, கூட்டணி கட்சி நிர்வாகிகள் உள்ளிட்ட பலர் கலந்து கொண்டனர்.

இந்த கூட்டத்தில் பாமக நிறுவனர் ராமதாஸ் பேசுகையில் கிருஷ்ணகிரி மாவட்ட மக்களுக்கு நன்கு பரிட்சயமான வேட்பாளர் கேபி முனுசாமி என்றும், பல்வேறு நல்ல திட்டங்களை நிறைவேற்றி தந்துள்ளார் என்றும் கூறினார். தொடர்ந்து பேசிய அவர், இந்தியா முழுவதிலும் உள்ள 543 தொகுதிகளில் 325 இடங்களில் காங்கிரஸ் கூட்டணி தோல்வியை தழுவும் என விமர்சித்தார்.