சேலம் மாவட்டம், பனமரத்துப்பட்டி மற்றும் முத்துநாயக்கன் பட்டியில் அம்மா மினி கிளினிக்குகளை முதலமைச்சர் எடப்பாடி பழனிசாமி இன்று திறந்து வைக்கிறார்.
ஏழை எளிய மக்கள் பயனடையும் வகையில் தமிழகம் முழுவதும் அம்மா மினி கிளினிக்குகள் தொடங்க திட்டமிடப்பட்டன. அதன்படி, முதற்கட்டமாக 630 அம்மா கிளினிக்குகள் கடந்த 15ஆம் தேதி திறக்கப்பட்டன.
சென்னை ராயபுரம், வியாசர்பாடி, மயிலாப்பூர் மற்றும் சேலம் மாவட்டம் தலைவாசலில் அம்மா கிளினிக்குகளை முதலமைச்சர் திறந்து வைத்தார்.
இந்நிலையில், சேலம் மாவட்டம் பனமரத்துப்பட்டி மற்றும் ஓமலூர் முத்துநாயக்கன்பட்டி ஆகிய பகுதிகளில் அம்மா மினி கிளினிக்குகளை முதலமைச்சர் எடப்பாடி பழனிசாமி இன்று திறந்து வைக்கிறார். இதனைத் தொடர்ந்து சேலத்தில் உள்ள கட்சி அலுவலகத்தில், அதிமுக நிர்வாகிகளுடன் முதலமைச்சர் ஆலோசனை மேற்கொள்கிறார்.