ராஜஸ்தானுடன் இன்று மோதல்: சென்னை அணியின் வெற்றி தொடருமா?

12-வது ஐபிஎல் தொடரின், 25-வது லீக் ஆட்டத்தில், சென்னை சூப்பர் கிங்ஸ் – ராஜஸ்தான் ராயல் அணிகள் இன்று மோதுகின்றன.

தோனி தலைமையிலான சென்னை சூப்பர் கிங்ஸ் அணி, இதுவரை 5 ஆட்டங்களில் வெற்றிபெற்றுள்ளது. தோனியின் சிறப்பான தலைமையால் தொடர் வெற்றிகளை குவித்துவரும் சென்னை அணி, ஜெப்பூரில் உள்ள சவாய் மான் சிங் மைதானத்தில், ராஜஸ்தான் ராயல் அணியுடன் இன்று மோதுகிறது.

கடந்த 31-ம் தேதி நடைபெற்ற இரு அணிகளுக்கிடையேயான ஆட்டத்தில், 8 ரன்கள் வித்தியாசத்தில் ராஜஸ்தானை வீழ்த்தி சென்னை அணி வெற்றிபெற்றது. ஜெய்ப்பூரிலும் ராஜஸ்தான் அணிக்கு எதிரான ஆட்டத்தில் சென்னை அணி வெற்றிபெறுமா? என்ற எதிர்பார்ப்பு ரசிகர்கள் மத்தியில் எழுந்துள்ளது.