சென்னையில் இன்று நடைபெறும் ஐபிஎல் தொடரின் 18-வது லீக் ஆட்டத்தில் சென்னை சூப்பர் கிங்ஸ், கிங்ஸ் லெவன் பஞ்சாப் அணியை எதிர்கொள்கிறது.
ஐபிஎல் தொடரின் 18-வது லீக் ஆட்டம் சென்னையில் இன்று நடைபெற உள்ளது. இதில், புள்ளி பட்டியலில் 3-வது இடத்தில் இருக்கும் அஸ்வின் தலைமையிலான கிங்ஸ் லெவன் பஞ்சாப் அணியும் 4-வது இடத்தில் இருக்கும் தோனி தலைமையிலான சென்னை சூப்பர் கிங்ஸ் அணியும் மோதுகின்றன. இதுவரை தான் விளையாடியுள்ள 4 போட்டிகளில், டெல்லி, மும்பை, ராஜஸ்தான் ஆகிய அணிகளை வீழ்த்திய பஞ்சாப் கொல்கத்தாவிடம் தோல்வி கண்டது.
அதேபோல், 4 போட்டிகளில் விளையாடியுள்ள சென்னை பெங்களூரு, டெல்லி ராஜஸ்தான் ஆகிய அணிகளை வீழ்த்தி நிலையில், கடைசியாக நடந்த போட்டியில் மும்பையிடம் தோல்வியடைந்தது. இதனால், இரு அணிகளும் தலா 6 புள்ளிகளுடன் சமநிலையில் இருந்தாலும் ரன்ரேட் அடிப்படையில், பஞ்சாப் 3-வது இடத்திலும் சென்னை 4-வது இடத்திலும் உள்ளன.
சமபலம் வாய்ந்த இரு அணிகளும் மோதுவதால் ரசிகர்களிடையே எதிர்பார்ப்பை ஏற்படுத்தியுள்ள இப்போட்டி சென்னை எம்.ஏ.சிதம்பரம் மைதானத்தில் மாலை 4 மணிக்கு நடைபெறுகிறது.