தாய்லாந்தில் இருந்து விமானம் மூலம் கடத்திய சிறுத்தை குட்டி பறிமுதல்

தாய்லாந்தில் இருந்து விமானம் மூலம் கடத்தி வரப்பட்ட சிறுத்தை குட்டியை சுங்கத்துறை அதிகாரிகள் பறிமுதல் செய்தனர்.

தாய்லாந்தில் இருந்து சென்னை வரும் விமானத்தில், காட்டு விலங்குகள் சட்ட விரோதமாக கடத்தி வரப்படுவதாக அதிகாரிகளுக்கு ரகசிய தகவல் கிடைத்தது. இதனையடுத்து, சென்னை விமான நிலையத்தில் சுங்கத்துறை அதிகாரிகள் தீவிர கண்காணிப்பு பணியில் ஈடுபட்டனர். அப்போது, தாய்லாந்து தலைநகர் பாங்காங்கில் இருந்த வந்த காஜா மொய்தீன் என்பவரின் உடமைகளை சந்தேகத்தின் பேரில் அதிகாரிகள் சோதனை செய்தனர்.

அப்போது, சிறுத்தை குட்டி கடத்தி வந்தது கண்டுபிடிக்கப்பட்டது. பிறந்து ஒரு மாதமே ஆன அந்த சிறுத்தை குட்டியையும், கடத்தல் நபரையும் வனத்துறையிடம் அதிகாரிகள் ஒப்படைத்தனர்.