சென்னை அண்ணாசாலையில் உள்ள பேரறிஞர் அண்ணாவின் சிலைக்கு தமிழக அரசு சார்பில் முதலமைச்சர், துணை முதலமைச்சர் மற்றும் அமைச்சர்கள் மரியாதை செலுத்தினர்.
முன்னாள் முதலமைச்சர் பேரறிஞர் அண்ணாவின் 111-வது பிறந்தநாள் இன்று கொண்டாடப்பட்டு வருகிறது. இதையொட்டி, சென்னை அண்ணாசாலையில் உள்ள பேரறிஞர் அண்ணாவின் சிலை மலர்களால் அலங்கரிக்கப் பட்டிருந்தது. அண்ணாவின் உருவப்படத்திற்கு மாலை அணிவித்து, தமிழக அரசு சார்பில் மரியாதை செலுத்தப்பட்டது. முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம் ஆகியோர் அண்ணாவின் படத்திற்கு மலர்தூவி மரியாதை செலுத்தினர்.