நீட் தேர்வுக்கு எதிராக அதிமுக தொடர்ந்து குரல் கொடுக்கும் என தென் சென்னை அதிமுக வேட்பாளர் ஜெயவர்தன் தெரிவித்துள்ளார்.
தென் சென்னை தொகுதிக்குட்பட்ட விருகம்பாக்கம், நெசப்பாக்கம் உள்ளிட்ட பல்வேறு இடங்களில் அதிமுக வேட்பாளர் ஜெயவர்தன் வாக்கு சேகரித்தார். அப்போது பொதுமக்கள் அவருக்கு மலர் தூவியும் ஆரத்தி எடுத்தும் சிறப்பான வரவேற்பு அளித்தனர்.
முன்னதாக செய்தியாளர்களை சந்தித்த ஜெயவர்தன், நீட் தேர்வுக்கு எதிராக அதிமுக எம்.பி.க்களின் குரல் நாடாளுமன்றத்தில் தொடர்ந்து எதிரொலிக்கும் என்றார்.