ரயில்வே வரலாற்றில் 2019 பாதுகாப்பான ஆண்டாக அறிவிப்பு

கடந்த 12 மாதங்களாக ரயில் விபத்தின் மூலம் எந்தப் பயணியும் உயிரிழக்கவில்லை என ரயில்வே துறையின் புள்ளி விவரங்கள் தெரிவிக்கின்றன.

ரயில்வே துறையின் வரலாற்றில் 2019-ம் ஆண்டு பாதுகாப்பான ஆண்டாகவும், சாதனை படைக்கும் ஆண்டாகவும் அமைந்துள்ளது. கடந்த 2018-2019-ம் ஆண்டில் ரயில்வே துறையில் 16 உயிரிழப்புகளும், 2017-2018-ம் ஆண்டில் 28 உயிரிழப்புகளும், அதற்கு முந்தைய ஆண்டில் 195 உயிரிழப்புகளும் நிகழ்ந்துள்ளன. இது குறித்து ரயில்வே துறை அதிகாரிகள் கூறுகையில், பல்வேறு கட்ட முயற்சிகள், திட்டமிடல் போன்ற நடவடிக்கைகளின் விளைவாக, பயணிகள் உயிரிழப்பின்றி பாதுகாப்பான ஆண்டாக கடந்தாண்டு மாறியுள்ளதாக தெரிவிக்கப்பட்டுள்ளது.