பொறியியல் படிப்பில் சேர இதுவரை 46 ஆயிரத்து 500 பேர் ஆன்லைன் மூலம் விண்ணப்பித்துள்ளனர்.
தமிழகத்தில் உள்ள அரசு, அரசு உதவிபெறும் பொறியியல் கல்லூரிகள், தனியார் கல்லூரிகளில் உள்ள பி.இ., பி.டெக்., படிப்பில் சேருவதற்கான ஆன்லைன் விண்ணப்ப பதிவு கடந்த 2 ஆம் தேதி முதல் துவங்கி நடைபெற்று வருகிறது. மாணவர்கள் தங்கள் வீட்டில் இருந்தபடியேயும், மாநிலம் முழுவதும் உள்ள 42 சேவை மையங்கள் மூலமும் விண்ணப்பிக்கலாம் என தெரிவிக்கப்பட்டுள்ளது. அதன்படி, பொறியியல் படிப்பில் சேர மாணவ, மாணவிகள் ஆர்வமுடன் விண்ணப்பித்து வருகின்றனர்.
பொதுப் பிரிவினருக்கான கலந்தாய்வு ஜூலை 3ம் தேதி துவங்குகிறது. இந்நிலையில், இதுவரை 46 ஆயிரத்து 500 மாணவ மாணவிகள் பொறியியல் படிப்பில் சேர ஆன்லைன் மூலம் விண்ணப்பித்துள்ளனர்.