பொதுமக்களுக்கு 40 ரூபாய் வழங்கி விட்டு அம்பானிக்கு மட்டும் ஒரு லட்சத்து 30 ஆயிரம் கோடி வழங்குவதா என ராகுல் காந்தி கேள்வி எழுப்பியுள்ளார்.
இது குறித்து அவர் டிவிட்டரில் வெளியிட்டுள்ள ஒரு செய்தியில் . “இந்தியாவின் காவலாளி அரசு கருவூலத்தை எப்போது திறப்பார்? என கேட்டுள்ளார்.ரஃபேல் ஊழலில் அனில் அம்பானிக்கு 1 லட்சத்து 30 ஆயிரம் கோடி வழங்குகிறார். ஆனால் 50 கோடி இந்திய மக்களுக்கு ஆயுஷ்மான் பாரத் திட்டம் மூலம் ரூ.2,000 கோடி வழங்குகிறார் என தெரிவித்துள்ளார். அதாவது 5 லட்சம் மருத்துவ காப்பீடு பெறும் போது ,அத்திட்டத்தில் ஒரு நபருக்கு ஆண்டுக்கு வெறும் 40 ரூபாய் தான் பிரதமர் செலவழிக்கிறார் என ராகுல் காந்தி தெரிவித்துள்ளார். இந்த செய்தி உங்களுடைய விளம்பரம், சிறப்பு மோடி அவர்களே” என்று ராகுல் டிவிட் செய்துள்ளார்.