சீனா பிரபல உணவகத்தில் பயங்கர தீ விபத்து

சீனாவின் வடமேற்கு பகுதியில் உள்ள ஹார்பின்( harbin) நகரில் ஹாட் ஸ்பிரிங்ஸ் (hot springs) என்ற பிரபல உணவகம் உள்ளது. இந்த உணவகத்தின் ஒரு தளத்தில் இன்று அதிகாலை திடீரென தீப்பிடித்தது. பின்னர் மற்ற தளங்களுக்கும் மளமளவென பரவிய தீ கொழுந்து விட்டு எரிந்தது. தகவல் அறிந்து விரைந்த தீயணைப்பு படையினர் 3 மணி நேரம் போராடி தீயை கட்டுக்குள் கொண்டு வந்தனர். கடும் புகை மூட்டம் காரணமாக வெளியேற முடியாத வாடிக்கையாளர்கள் தீயின் பிடியில் சிக்கினர். அவர்களில் 18 பேர் தீயில் கருகி உயிரிழந்தனர். பலத்த தீக்காயம் அடைந்த 19 பேர் மீட்கப்பட்டு மருத்துவமனையில் அனுமதிக்கப்பட்டுள்ளனர். அவர்களில் பலரது நிலை கவலைக்கிடமாக உள்ளது.