சென்னை கோயம்பேட்டில் உதவி ஆய்வாளரை தாக்கி வாக்கி டாக்கியை பிடுங்கிய 7 இளைஞர்கள் கைது செய்யப்பட்டு புழல் சிறையில் அடைக்கப்பட்டனர்.
கடந்த 6ம் தேதி இரவு ரோந்துபணிக்காக சென்ற உதவி காவல் ஆய்வாளர் ராஜூவை கோயம்பேடு மார்க்கெட்டில் வேலை செய்துவரும் இளைஞர்கள் சிலர், சுற்றி வளைத்து தாக்கி கையில் இருந்த வாக்கி டாக்கியை பிடுங்கியுள்ளனர். இதனால் காயம் அடைந்த உதவி ஆய்வாளர் ராஜீவ், கீழ்பாக்கம் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இது குறித்து வழக்கு பதிவு விசாரணை மேற்கொண்ட கோயம்பேடு காவல்துறையினர், 7 இளைஞர்களை கைது செய்து எழும்பூர் நீதிமன்றத்தில் ஆஜர்படுத்தி, பின்னர் புழல் சிறையில் அடைத்தனர்.