உலக கோப்பை கிரிக்கெட் தொடரில் இந்தியாவுக்கு எதிரான லீக் ஆட்டத்தில் டாஸ் வென்ற இலங்கை அணி பேட்டிங்கை தேர்வு செய்து களமிறங்கி உள்ளது. இங்கிலாந்தில் நடைபெற்று வரும் 12வது உலக கோப்பை தொடரில் லீக் சுற்று போட்டிகள் இன்றுடன் நிறைவடைகின்றன. அதன்படி, 44வது லீக் போட்டியில் விராட் கோலி தலைமையிலான இந்திய அணி, கருணரத்னே தலைமையிலான இலங்கை அணியை எதிர்கொள்கிறது.
இதுவரை 8 போட்டிகளில் விளையாடியுள்ள இந்தியா இங்கிலாந்துடன் மட்டுமே தோல்வியடைந்த நிலையில், 6 வெற்றிகளுடன் புள்ளி பட்டியலில் 2ஆம் இடத்தில் உள்ளது. ஒரு போட்டி மழையால் ரத்தானது. 8 போட்டிகளில் விளையாடியுள்ள இலங்கை அணியும், 3 வெற்றி 3 தோல்விகளை சந்தித்துள்ள நிலையில், 2 போட்டி மழையால் ரத்தானது.
இந்தநிலையில், லீட்ஸ் ஹெட்டிங்லே மைதானத்தில் நடைபெறும் போட்டியில் டாஸ் வென்ற இலங்கை அணி பேட்டிங்கை தேர்வு செய்து ஆடி வருகிறது. தற்போது இலங்கை அணி 10.4 ஓவர்களில் 3 விக்கெட் இழப்பிற்கு 53 ரன்கள் எடுத்து ஆடி வருகிறது.