உலக கோப்பை கிரிக்கெட் போட்டியில் இன்று நடைபெறும் லீக் ஆட்டத்தில் ஆஸ்திரேலியா-வெஸ்ட் இண்டீஸ் அணிகள் பலப்பரீட்சை நடத்துகின்றன
நாட்டிங்காமில் நடைபெறும் 10-வது லீக் ஆட்டத்தில் நடப்பு சாம்பியன் ஆஸ்திரேலிய அணி, முன்னாள் சாம்பியனான வெஸ்ட் இண்டீசை எதிர்கொள்கிறது.ஆஸ்திரேலிய அணி தனது தொடக்க லீக் ஆட்டத்தில் 7 விக்கெட் வித்தியாசத்தில் ஆப்கானிஸ்தானை எளிதில் தோற்கடித்தது. அதே சமயம், வெஸ்ட் இண்டீஸ் அணி தனது முதல் லீக் ஆட்டத்தில் 7 விக்கெட் வித்தியாசத்தில் பாகிஸ்தானை பந்தாடியது. முந்தைய பயிற்சி ஆட்டத்தில் நியூசிலாந்தை வீழ்த்தியது. அடுத்தடுத்து அசத்தல் ஆட்டங்களை வெளிப்படுத்திய அந்த அணி புதிய எழுச்சி பெற்றுள்ளது. இரு அணிகளிலும் அதிரடி பேட்ஸ்மேன்களும், அசுர பந்து வீச்சாளர்களும் இருப்பதால் இன்று அதிரடிக்கு பஞ்சம் இருக்காது என்ற ஆர்வத்துடன் ரசிகர்கள் எதிர்பார்த்து உள்ளனர்.