உலக கோப்பை கிரிக்கெட் தொடரின் 14 வது லீக் போட்டியில், பலம் வாய்ந்த ஆஸ்திரேலிய அணியை இந்திய அணி இன்று எதிர்கொள்கிறது.
12வது உலக கோப்பை கிரிக்கெட் தொடர் இங்கிலாந்தில் நடைபெற்று வருகிறது. இதன் 14 வது லீக் போட்டியில், விராட் கோலி தலைமையிலான இந்திய கிரிக்கெட் அணி, ஆரோன் ஃபின்ச் தலைமையிலான ஆஸ்திரேலிய அணியை எதிர்கொள்கிறது. கோப்பையை வெல்லும் அணிகளில் ஒன்றாக கருதப்படும் ஆஸ்திரேலியா, முன்னதாக தான் விளையாடிய ஆஃப்கானிஸ்தானுக்கு எதிரான போட்டியில் 7 விக்கெட் வித்தியாசத்திலும், மேற்கிந்திய தீவுகள் அணியை 15 ரன்கள் வித்தியாசத்திலும் வீழ்த்தி வலிமையான அணியாக வலம் வருகிறது. அதேபோல், முன்னணி வீரர்களை கொண்ட இந்திய அணி, தனது முதல் போட்டியில் தென் ஆப்பிரிக்கா அணியை 6 விக்கெட் வித்தியாசத்தில் வீழ்த்தியது. உலக கோப்பையின் இரு முக்கிய அணிகள் மோதும் இப்போட்டி, லண்டன் ஓவல் மைதானத்தில் இன்று நடைபெறுகிறது. தோல்வியை தவிர்க்க இரு அணிகளும் போராடும் என்பதால், இப்போட்டி ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.