விவசாயிகளைப் போல வாழ்வில் தன்னம்பிக்கையுடன் உழைக்க வேண்டுமென நிதித்துறை அமைச்சர் நிர்மலா சீதாராமன் தெரிவித்துள்ளார்.
சென்னை அண்ணா பல்கலைக்கழகத்தின் முன்னாள் துணைவேந்தர் பாலகுருசாமியின் வாழ்க்கை வரலாறு குறித்த ‘நேர்மையின் பயணம்’ என்ற புத்தக வெளியீட்டு விழா சென்னையில் நடைபெற்றது. இதில் பங்கேற்ற மத்திய அமைச்சர் நிர்மலா சீதாராமன், அப்புத்தகத்தை வெளியிட கேரள மாநிலத்தின் முன்னாள் ஆளுநர் சதாசிவம் அதனை பெற்றுக்கொண்டார். நிகழ்ச்சியில் பேசிய மத்திய அமைச்சர் நிர்மலா சீதாராமன், தொடர் தோல்விகள் வந்துகொண்டே இருந்தாலும், முயற்சியை மட்டும் விட்டுவிடாமல் தொடர்ந்து பயணித்தால் வெற்றி நிச்சயம் என தெரிவித்தார். அரசை குறை கூறாமல் விவசாயிகளை போல் தன்னம்பிக்கையுடனும், விடா முயற்சியுடனும் உழைக்க வேண்டும் எனத் தெரிவித்தார்.