அரசு பள்ளியில் நடைபெற்ற மகளிர் தின விழாவில் மாணவிகள் தற்காப்பு கலைகள் செய்து காண்பித்து அசத்தினர்.
திருச்சி மாவட்டம் மணப்பாறையை அடுத்த ஊனையூரில் உள்ள அரசு பள்ளியில் மகளிர் தினத்தையொட்டி அனைவரையும் ஈர்க்கும் விதமாக பல்வேறு நிகழ்ச்சிகள் நடைபெற்றது. இதில் மாணவிகள், ஆசிரியைகள் இளவரசிகளாக கிரிடம் வைத்து கவுரவிக்கப்பட்டனர். இதையடுத்து மாணவிகள் சிலம்பாட்டம் மற்றும் தற்காப்பு கலைகளை செய்து காண்பித்து அசத்தினர். மகளிர் தினத்தில் அரசு பள்ளியில் நடைபெற்ற இந்த வித்தியாசமான நிகழ்வு அனைவரது கவனத்தையும் ஈர்த்தது. இதனால் மாணவர்களும், ஆசிரியர்களும் உற்சாகமடைந்தனர்.