பெண்களின் வாக்கு வங்கி அதிமுக கூட்டணிக்கு இருப்பதால் 40 தொகுதிகளிலும் வெற்றி உறுதி என்று, தேமுதிக பொருளாளர் பிரேமலதா விஜயகாந்த் உறுதிபடத் தெரிவித்துள்ளார்.
சேலம் மக்களவை தொகுதியில் அதிமுக சார்பில் போட்டியிடும் சரவணனை ஆதரித்து புதுரோடு பகுதியில் அவர் பிரசாரம் மேற்கொண்டார். அதிமுக வேட்பாளரை அதிக வாக்கு வித்தியாசத்தில் வெற்றி பெறச் செய்து சேலத்தை தமிழகத்தின் முதன்மை தொகுதியாக்க வேண்டும் என்று பிரேமலதா கேட்டுக்கொண்டார். அதிமுக தலைமையிலான மெகா கூட்டணி ஒட்டுமொத்த தமிழக மக்கள், பெண்கள், இளைஞர்களால் வரவேற்கப்பட்ட கூட்டணி என்று கூறிய பிரேமலதா, கருத்து கணிப்புகள் கருத்து திணிப்புகள் என்று விமர்சித்தார். மக்களவை தொகுதிகள் மட்டுமின்றி, இடைத்தேர்தலிலும் இந்தக் கூட்டணி மகத்தான வெற்றி பெறும் என்று அவர் உறுதிபடத் தெரிவித்தார்.