பெண் சிசு கள்ளிப்பால் கொடுத்து கொலைபெண் சிசு கள்ளிப்பால் கொடுத்து கொலைமதுரை மாவட்டம் உசிலம்பட்டியில் பிறந்து ஒரு மாதமே ஆன பெண் சிசுவை கள்ளிப்பால் கொடுத்து கொலை செய்து வீட்டின் முன்பு புதைத்த பெற்றோரைக் காவல்துறையினர் கைது செய்தனர்
உசிலம்பட்டி அருகேயுள்ள புள்ளநேரி கிராமத்தைச் சேர்ந்த வைரமுருகன்-சௌமியா தம்பதிக்கு ஏற்கனவே இரண்டரை வயதில் பெண் குழந்தை உள்ள நிலையில் கடந்த ஜனவரி மாதம் 31ம் தேதி செளமியாவுக்கு மீண்டும் பெண் குழந்தை பிறந்துள்ளது. இரண்டாவதும் பெண் குழந்தை பிறந்ததால் ஏமாற்றமடைந்த தம்பதியினர், குழந்தையை கள்ளிப்பால் கொடுத்து கொன்று சடலத்தை வீட்டின் முன்பு புதைத்துள்ளனர். பெற்றோரின் நடவடிக்கையில் சந்தேகம் ஏற்படவே காவல்துறையினரிடம் புகார் அளிக்கப்பட்டுள்ளது. இதையடுத்து காவல்துறையினர் நடத்திய விசாரணையில் குழந்தை கள்ளிப்பால் கொடுத்து கொலை செய்யப்பட்டது தெரியவந்தது. இதையடுத்து குழந்தையின் உடலை தோண்டி எடுத்த காவல்துறையினர், உடற்கூறு ஆய்வுக்கு அனுப்பி வைத்ததுடன் குழந்தையின் பெற்றோர் மற்றும் தாத்தா சிங்கம் ஆகியோரைக் கைது செய்தனர்.