வலிமை படத்திலிருந்து யுவன் ஷங்கர் ராஜா நீக்கமா..?

அஜித் நடிக்கும் வலிமைப் படத்தில் இருந்து இசையமைப்பாளர் யுவன் சங்கர் ராஜாவுக்கு பதில் டி இமான் இசையமைக்க உள்ளாரா என்பது குறித்த உண்மை வெளியாகியுள்ளது.

நேர்கொண்ட பார்வை படத்தை தொடர்ந்து வினோத் இயக்கத்தில் அஜித் நடித்து வரும் படம் வலிமை. இப்படத்தின் முதற்கட்ட படப்பிடிப்பு ஹைதராபாத்தில் உள்ள ராமோஜி ராவ் பிலிம் சிட்டியில் நடைபெற்றது .
இதனைத் தொடர்ந்து இரண்டாம் கட்ட  படப்பிடிப்பு சென்னையில்  உள்ள கோகுலம் சிட் ஸ்டூடியோவில் பிரமாண்ட செட் அமைக்கப்பட்டு படப்பிடிப்பு பணிகள் தீவிரமாக நடைபெற்று வருகிறது. இந்நிலையில் வலிமை படத்தில் வில்லன் யார். ஹீரோயின் யார் என்பது பற்றி படக்குழு இன்னும்  அதிகாரபூர்வமான அறிவிப்பு வெளியிடவில்லை.

இதனை தொடர்ந்துஇப்படத்திற்கு யுவன் சங்கர் ராஜாவிற்கு பதில்  டி இமான்  இசையமைக்க உள்ளதாக பல தகவல்கள் வெளியாகி  மக்களை குழப்பத்தில் ஆழ்த்தியது அதற்கு பதில் தரும் விதமாக படக்குழு  வலிமை படத்திற்கு யுவன் ஷங்கர் ராஜா தான் இசையமைக்க உள்ளார் என தெரிவித்துள்ளது. வலிமை படம் அடுத்த ஆண்டு தீபாவளி ஸ்பெஷலாக ரிலீசாகும் என எதிர்பார்க்கப்படுகிறது