அரசு பேருந்தை வழிமறித்து நின்ற காட்டு யானைகள்

நீலகிரி மாவட்டம் கோத்தகிரியில் சாலையில் சென்ற பேருந்தை, காட்டு யானை வழிமறித்ததால் பயணிகள் பீதி அடைந்தனர்.

கோத்தகிரியில் இருந்து மேட்டுப்பாளையம் செல்லும் சாலையில் அரசு பேருந்தை வழிமறித்து நின்ற காட்டு யானைகளால் சுமார் 2 மணி நேரமாக போக்குவரத்து பாதிக்கப்பட்டது. உணவு மற்றும் தண்ணீர் தேடி வரும் காட்டு யானைகள், வனப்பகுதி ஓட்டியுள்ள சாலையில் சுற்றித்திரிகின்றன.

இந்த நிலையில், கோத்தகிரி சாலையில் சென்ற அரசு பேருந்தை, காட்டு யானைகள் வழிமறித்து நின்றதால் பேருந்தில் இருந்த பயணிகள் அச்சம் அடைந்தனர். காட்டு யானைகள் பேருந்தை வழிமறித்த காட்சி தற்போது வெளியாகியுள்ளது.

இதனிடையே, யானைகள் சாலைகளை வழிமறித்து நிற்பதால் வாகன ஓட்டிகள் கடும் சிரம்மத்திற்கு ஆளாகியுள்ளனர். சாலையில் செல்லும் போது யானைகளை புகைப்படம் எடுப்பதையும், சாலையோரங்களில் வாகனங்களை நிறுத்துவதை தவிர்க்குமாறு வனத்துறையினர் எச்சரிக்கை விடுத்துள்ளனர்.