உதகை மலர் கண்காட்சியில் மனம் கவர்ந்த மேற்கத்திய இசை நிகழ்ச்சி

நீலகிரி மாவட்டம் உதகை மலர் கண்காட்சியில் பள்ளி மாணவர்கள் நிகழ்த்திய மேற்கத்திய இசை நிகழ்ச்சி சுற்றுலா பயணிகளை வெகுவாக கவர்ந்தது.

உதகை அரசு தாவரவியல் பூங்காவில் நடைபெற்று வரும் மலர் கண்காட்சியையொட்டி, சுற்றுலா பயணிகளை கவரும் விதமாக பல்வேறு கலை நிகழ்ச்சிகள் நடத்தப்பட்டன. பிரிட்டீஷ் அரசுக்கு கொடுக்கப்பட்ட இடம் பூங்காவாக மாற்றப்பட்டதை நினைவு கூறும் வகையில், ஆண்டு தோறும் மேற்கத்திய இசை நிகழ்ச்சி நடத்தப்படுவது வழக்கம். அந்த வகையில், அங்குள்ள தனியார் பள்ளி மாணவர்கள் சார்பில் மேற்கத்திய இசை நிகழ்ச்சி நடத்தப்பட்டது. இதில் 37 மாணவ, மாணவிகள் கலந்து கொண்டு டிரம்ஸ், உள்ளிட்ட பல்வேறு இசை கருவிகள் மூலம் இசைத்து சுற்றுலா பயணிகளை மகிழ்வித்தனர்.