திருச்செங்கோடு அருகே இருசக்கர வாகனத்தில் அதிவேகமாக சென்ற இளைஞர் நிலை தடுமாறி சாலை ஒரத்தில் உள்ள மரத்தில் மோதி விபத்துகுள்ளாகும் சிசிடிவி காட்சிகள் வெளியாகி பரபரப்பை ஏற்படுத்தியுள்ளது.
நாமக்கல் மாவட்டம் ராசிபுரம் தாலுகாவிற்கு உட்பட்ட வெண்ணந்தூர் பாலிக்காடு அம்மன்கோவில் தெருவை சேர்ந்த சிவபிரகாசத்தின் மகன் சந்ரு. எலக்டீசியனாக வேலை பார்க்கும் இவர், திருச்செங்கோட்டில் உள்ள அவரது உறவினர் வீட்டிற்கு சென்றுவிட்டு இருசக்கர வாகனத்தில் வீட்டிற்கு திரும்பி சென்றுள்ளார்.
அப்போது, திருச்செங்கோடு- சேலம் சாலையில் சின்னதம்பிபாளையம் அருகே சென்ற போது, எதிரே இருசக்கர வாகனத்தில் வந்த பெண் மீது மோதி, நிலை தடுமாறி சாலையின் ஓரத்தில் இருந்த புளியமரத்தின் மீது மோதி விபத்துக்குள்ளானார்.
இந்த விபத்தில் பலத்த காயமடைந்த சந்ரு சம்பவ இடத்திலேயே உயிழந்தார். இந்த விபத்து குறித்து காவல் துறையினர் வழக்குபதிவு செய்து விசாரித்து வருகின்றனர். மேலும் தற்போது அந்த விபத்து தொடர்பான சிசிடிவி காட்சிகள் வெளியாகி பரபரப்பை ஏற்படுத்தியுள்ளது.