வி.வி.மினரல்ஸ் நிறுவனங்களில் 5-வது நாளாக சோதனை மேற்கொண்டு வரும் வருமான வரித்துறையினர், அந்த நிறுவனத்திற்கு சொந்தமான 30 வங்கிக் கணக்குகளையும், வங்கி லாக்கர்களையும் முடக்கியுள்ளனர்.
நெல்லை மாவட்டம் திசையன்விளையை தலைமை இடமாகக் கொண்டு இயங்கும் வி.வி.மினரல்ஸ் நிறுவனம் கடந்த 3 ஆண்டுகளாக முறையாக வருமான வரி செலுத்தவில்லை என புகார் கூறப்பட்டது. இதையடுத்து, தமிழகம் முழுவதும் உள்ள அந்த நிறுவனத்திற்கு சொந்தமான இடங்களில், வருமான வரித்துறையினர் சோதனை மேற்கொண்டனர்.
தொடர்ந்து 5-வது நாளாக இன்றும் வி.வி.மினரல்ஸ் உரிமையாளருக்குச் சொந்தமான இடங்களில் வருமான வரித்துறையினர் சோதனையில் ஈடுபட்டு வருகின்றனர். இதனிடையே, விவி.மினரல்ஸ் நிறுவனத்திற்கு சொந்தமான 30 வங்கிக் கணக்குகளையும், 24 வங்கி லாக்கர்களையும் முடக்கியுள்ளதாக வருமான வரித்துறை சார்பில் தெரிவிக்கப்பட்டுள்ளது.