பொங்கலை முன்னிட்டு அஜித் நடிப்பில் உலகம் முழுவதும் வெளியான விஸ்வாசம் திரைப்படம் தமிழகத்தில் மட்டும் கடந்த 7 நாட்களில் 125 கோடி ரூபாய் வசூல் செய்து சாதனை படைத்துள்ளது.
அஜித், நயன்தாரா, யோகிபாபு உள்ளிட்டவர்கள் நடிப்பில் கடந்த 10ம் தேதி விஸ்வாசம் திரைப்படம் உலகம் முழுவதும் வெளியானது.இந்தத் திரைப்படம் விமர்சன ரீதியாக மட்டும் இன்றி வசூல் ரீதியாகவும் சாதனை படைத்துள்ளது. கடந்த 7 நாட்களில் விஸ்வாசம் திரைப்படம் தமிழகத்தில் மட்டும் 125 கோடி ரூபாய் வசூல் செய்துள்ளதாக விநியோகஸ்தர்கள் தரப்பில் தெரிவிக்கப்பட்டுள்ளது.அஜித்தின் விவேகம் திரைப்படம் வெளியாகி ஒன்றரை ஆண்டுகள் கழித்து விஸ்வாசம் படம் வெளியானதால் அஜித் ரசிகர்கள் இந்தப் படத்தைக் கொண்டாடி வருகிறார்கள்.அஜித் ரசிர்கள் மட்டுமின்றி மற்ற தரப்பினரையும் இந்தப் படம் கவர்ந்து வருகிறது. குடும்பத்தோடு பார்க்கக்கூடிய படமாக உள்ளதாக அனைத்து தரப்பினரும் தெரிவித்துள்ளனர்.