கொரோனா தடுப்பூசி இல்லை – மக்கள் ஏமாற்றம்

 கொரோனா தடுப்பூசி செலுத்த காலைமுதல் பொதுமக்கள் நீண்ட வரிசையில் காத்திருக்கின்றனர். பல இடங்களில் குறைவான எண்ணிக்கையில் டோக்கன் வழங்கப்படுவதால் மக்கள் ஏமாற்றத்துடன் திரும்பிச் சென்றனர்.

நாமக்கல் நகரில் கோட்டை சாலையில் உள்ள ஆரம்ப சுகாதார நிலையத்தில் 2 நாட்களாக தடுப்பூசி இருப்பு இல்லாத நிலையில் இன்று முதல் தடுப்பூசி செலுத்தப்படுவதாக அறிவிக்கப்பட்டது. இதனையடுத்து காலை 6 மணிமுதல் பொதுமக்கள் காத்திருந்த நிலையில், 8 மணிக்கு கொரோனா தடுப்பூசி இல்லை என அதிகாரிகள் அலட்சியமாக பதில் சொன்னதால், பொதுமக்கள் கடும் வாக்குவாதத்தில் ஈடுபட்டனர். தடுப்பூசி இருப்பு குறித்து முன்கூட்டியே தகவல் சொல்வதில் என்ன பிரச்னை என கேள்வி எழுப்பிய பொதுமக்களை, காவல்துறையினர் சமாதானப்படுத்தி அனுப்பி வைத்தனர்.