நடைபெறவுள்ள நாடாளுமன்ற தேர்தலில் அதிமுக கூட்டணி வேட்பாளர்களுக்கு வாக்களிக்குமாறு அகர்வால் சமூகத்தினரிடம் மத்திய அமைச்சர் பியூஷ் கோயல் கேட்டுக்கொண்டார்.
சென்னை வேப்பேரியில் அகர்வால் சமூகத்தினர் ஏற்பாடு செய்திருந்த நிகழ்ச்சியில் மத்திய அமைச்சர் பியூஷ்கோயல் கலந்துகொண்டார். நிகழ்ச்சியில் பேசிய அவர், நடைபெறவுள்ள நாடாளுமன்ற தேர்தலில் அதிமுக கூட்டணிக்குக்கு அகர்வால் சமூகத்தினர் வாக்களிக்க வேண்டும் என்று கேட்டுக்கொண்டார்.
குறிப்பாக மத்திய சென்னை தொகுதியில் போட்டியிடும் பாமக வேட்பாளரும், அவர்களது சின்னமான மாம்பழமும் இனிப்பான ஒன்று என்றார். இந்த தேர்தலில் 40 தொகுதிகளிலும் அதிமுக கூட்டணிக்கு வாக்களித்து நாடும் நமதே நாற்பதும் நமதே என்று நிரூபிக்க மத்திய அமைச்சர் பியூஷ் கோயல் கேட்டுக்கொண்டார்.