ஐ.நா. சபையின் பொதுக்கூட்டத்தில் பங்கேற்க நியூயார்க் சென்றடைந்தார் பிரதமர் மோடி

ஐ.நா. சபையின் பொதுக்கூட்டத்தில் பங்கேற்பதற்காக பிரதமர் மோடி நியூயார்க் சென்றடைந்தார்.

பல்வேறு நிகழ்ச்சிகளில் பங்கேற்பதற்காக பிரதமர் மோடி 7 நாட்கள் சுற்றுப்பயணமாக அமெரிக்கா சென்றுள்ளார். நேற்று அமெரிக்க வாழ் இந்தியர்கள் ஏற்பாடு செய்திருந்த ஹவுடி மோடி நிகழ்ச்சியில் பங்கேற்ற அவர், இரவு நியூயார்க் சென்றடைந்தார். ஐ.நா. சபையில் நாளை மகாத்மா காந்தியின் 150-வது பிறந்தநாளை முன்னிட்டு ஏற்பாடு செய்யப்பட்டுள்ள சிறப்பு நிகழ்ச்சியில் பிரதமர் மோடி பங்கேற்கிறார். வரும் 27 ஆம் தேதி ஐ.நா. சபையின் பொதுக்கூட்டத்தில் உரையாற்றும் பிரதமர், புவி வெப்பமயமாதல், பருவநிலை மாற்றம், பயங்கரவாத ஒழிப்பு உள்ளிட்டவை குறித்து பேசவுள்ளார்.