உக்ரைன் நாட்டு பயணிகள் விமானம் கீழே விழுந்து விபத்து

அமெரிக்கா ஈரான் இடையே போர் மேகம் சூழ்ந்துள்ள நிலையில்,  180 பேருடன் புறப்பட்ட உக்ரைன் விமானம், டெக்ரானில் விழுந்து நொறுங்கியது.

ஈரான் தலைநகர் தெஹ்ரானில், உக்ரைன் நாட்டைச் சேர்ந்த 737 போயிங் ரக விமானம், 180 பயணிகளுடன் சென்றுள்ளது. விமானம் புறப்பட்ட சிறிது நேரத்தில், விமான நிலையம் அருகே கீழே விழுந்து விபத்திற்குள்ளானது. இந்த விபத்தில் விமானத்தில் பயணித்த அனைவரும் உயிரிழந்திருக்கக் கூடும் என தகவல்கள் வெளியாகியுள்ளன. தகவலறிந்து சம்பவ இடத்திற்கு சென்ற வீரர்கள் மீட்பு பணிகளில் ஈடுபட்டுள்ளனர். தொழில்நுட்ப கோளாறு காரணமாக விமானம் விபத்திற்குள்ளானதா அல்லது தாக்கப்பட்டதா என தீவிர விசாரணை நடத்தப்பட்டு வருகிறது.