சீனாவில் கொரோனா வைரஸால் உயிரிழந்தவர்களின் எண்ணிக்கை 2 ஆயிரத்து 345 ஆக உயர்ந்துள்ளது.
சீனாவின் ஹூவே மாகாணத்தில் தோன்றிய கொரோனா வைரஸ் உலகம் முழுவதும் பீதியைக் கிளப்பியுள்ளது. இந்நிலையில் கொரோனா வைரஸ் பாதிப்பு காரணமாக கடந்த 24 மணி நேரத்தில் மட்டும் 109 பேர் உயிரிழந்துள்ளனர். இதையடுத்து உயிரிழந்தவர்களின் எண்ணிக்கை 2,345ஆக அதிகரித்துள்ளது. இதுதவிர, கடந்த 24 மணி நேரத்தில் சீனா முழுவதும் கூடுதலாக 397க்கும் அதிகமானோருக்கு நோய் தொற்று ஏற்பட்டுள்ளது உறுதி செய்யப்பட்டுள்ளது. இதன் மூலம் சீனாவில் மட்டும் கொரோனாவால் பாதிக்கப்பட்டவர்களின் ஒட்டுமொத்த எண்ணிக்கை 76 ஆயிரத்து 288க்கும் அதிகமாக உயர்ந்துள்ளது.