ஜம்மு காஷ்மீர் மாநிலம் புத்காமில் பாதுகாப்புப் படையினர் மற்றும் தீவிரவாதிகள் இடையே நடைபெற்ற துப்பாக்கிச் சண்டையில் தீவிரவாதிகள் 2 பேர் சுட்டுக் கொல்லப்பட்டனர்.
ஜம்மு காஷ்மீரின் பல பகுதிகளில் பாகிஸ்தான் ராணுவத்தினர் மற்றும் தீவிரவாதிகள் தொடர்ந்து பல்வேறு தாக்குதல் சம்பவங்களில் ஈடுபட்டு வருகின்றனர். இத்தகைய தாக்குதல்களில் அப்பாவி பொதுமக்கள் மற்றும் பாதுகாப்புப் படையினர் உயிரிழப்பது வாடிக்கையாக உள்ளது. இவர்களின் ஊடுருவலை உடனடியாக அறிந்து அப்புறப்படுத்தும் முயற்சியில் பாதுகாப்புப் படையினர் ஈடுபட்டு வருகின்றனர்.
இந்நிலையில் இரு தினங்களாக தீவிரவாதிகள் மற்றும் பாதுகாப்புப் படையினர் இடையே துப்பாக்கிச் சண்டை நடைபெற்று வருகிறது. புத்காமின் கோபால்போரா பகுதியில் பதுங்கியிருந்த தீவிரவாதிகளை குறிவைத்து பாதுகாப்புப் படையினர் நடத்திய தாக்குதலில் இரண்டு தீவிரவாதிகள் கொல்லப்பட்டனர். அந்தப் பகுதியில் இருந்து வெடிப்பொருட்கள் மற்றும் ஆயுதங்கள் பறிமுதல் செய்யப்பட்டுள்ளன.