இலங்கை குண்டுவெடிப்பில் பலியான மக்களுக்கு அஞ்சலி செலுத்தும் விதமாக சென்னையில் உள்ள வேளாங்கண்ணி மாதா ஆலயத்தில் பொதுமக்கள் மெழுகுவர்த்தி ஏந்தி அஞ்சலி செலுத்தினர்.
இலங்கையில் கடந்த 21 ஆம் தேதி அங்குள்ள தேவாலாயங்கள், மற்றும் நட்சத்திர விடுதிகள் என மக்கள் நடமாடும் இடங்களில் நடத்தப்பட்ட குண்டு வெடிப்பில் 200 க்கும் மேற்பட்டோர் பலியாகினர். இந்த குண்டு வெடிப்பில் சிக்கி உயிரிழந்தவர்களுக்கு உலகம் முழுவதும் அஞ்சலி செலுத்தப்பட்டு வருகிறது.அந்த வகையில், சென்னை பெசன்ட் நகரில் உள்ள புனித வேளாங்கண்ணி மாதா ஆலயத்தில் அஞ்சலி செலுத்தப்பட்டது. கூட்டு பிரார்த்தனையில் கலந்து கொண்ட பொதுமக்கள் மெழுகுவர்த்தி ஏந்தி ஊர்வலமாக வந்து அஞ்சலி செலுத்தினர்.