கோடை விடுமுறை முடிவடைய உள்ளதையடுத்து ஈரோடு மாவட்டம் சத்தியமங்கலம் அருகே, பண்ணாரி புலிகள் விழிப்புணர்வு பூங்காவில் சுற்றுலா பயணிகளின் வருகை அதிகரித்துள்ளது.
சத்தியமங்கலம் அருகே வனத்துறை சார்பில் பண்ணாரி புலிகள் விழிப்புணர்வு பூங்கா அமைக்கப்பட்டுள்ளது. இந்த பூங்காவில், சுற்றுலா பயணிகளை கவரும் வகையில், வனவிலங்குகளின் உருவங்கள் தத்ரூபமாக வடிவமைக்கப்பட்டுள்ளது. இந்த உருவங்கள் முன்பு நின்று, சிறியவர்கள் முதல் பெரியவர்கள் வரை அனைவரும் ஆர்வத்துடன் புகைப்படம் எடுத்து மகிழ்கின்றனர்.
கோடை விடுமுறை முடிவடைய உள்ளதையடுத்து, வனத்தையொட்டி அமைந்துள்ள பண்ணாரி புலிகள் விழிப்புணர்வு பூங்காவில், வனவிலங்குகளை காண தற்போது சுற்றுலா பயணிகளின் வருகை அதிகரித்துள்ளது. சுற்றுலா பயணிகள் பாதுகாப்பான முறையில் வனவிலங்குகளை காண, பூங்காவில் ஏற்பாடு செய்யப்பட்டுள்ளது. பூங்காவிற்கு வரும் சுற்றுலா பயணிகள் வனவிலங்குகளின் அவசியம் குறித்து முழுமையாக அறிந்து கொள்ளவும் வழிவகைகள் செய்யப்பட்டுள்ளது.