தமிழக சுற்றுலாத்துறை சார்பில் நடைபெற்ற பரத நாட்டியம் நிகழ்ச்சி

சென்னை அடுத்த கெளரிவாக்கம் எஸ்.ஐ.வி.இ.டி. கல்லூரி வளாகத்தில், தமிழக சுற்றுலா துறை சார்பில் பத்தாயிரம் மாணவிகள் ஒன்றிணைந்து பரத நாட்டியம் ஆடினர்.

இந்நிகழ்வு கின்னஸ் உலக சாதனை புத்தகத்தில் இடம்பெற்றது. கின்னஸ் புக் ஆப் ரெக்கார்டு நீதியரசர் சோஃபியா கிரினேக்கேர் முன்னிலையில் இந்த சாதனை நிகழ்ச்சி நடைபெற்றது. இதில், பல்வேறு பரதநாட்டிய பள்ளிகளில் இருந்து வந்திருந்த 10 ஆயிரத்து 176 பரதநாட்டிய கலைஞர்கள் பங்கேற்று, பரத நாட்டியம் ஆடி உலக சாதனை படைத்தனர். கின்னஸ் உலக சாதனை சான்றிதழை சுற்றுலாத்துறை இயக்குனர் அமுதா பெற்றுக்கொண்டார்.