ஜார்கண்ட் சட்டசபை தேர்தல்: இன்று வாக்கு எண்ணிக்கை

ஜார்கண்ட் மாநில சட்டசபை தேர்தலில் பதிவான வாக்கு எண்ணும் பணி இன்று தொடங்குகிறது.

81 இடங்களை கொண்டுள்ள ஜார்கண்ட் மாநில சட்டசபைக்கு நவம்பர் 30-ந்தேதி தொடங்கி டிசம்பர் 20-ந்தேதி வரை 5 கட்டங்களாக தேர்தல் நடைபெற்றது. இந்த நிலையில்,தேர்தலில் பதிவான வாக்குகளை எண்ணும் பணி, இன்று காலை 8 மணிக்கு தொடங்கி, இரவு 8 மணி வரை நடைபெறும் என எதிர்பார்க்கப்படுகிறது. இது தொடர்பாக பேசிய அம்மாநில தலைமை தேர்தல் அதிகாரி வினய்குமார் சவுபே, முதலில் தபால் ஓட்டுகள் எண்ணப்படும் என்றும், அதன் பின்னர் மின்னணு வாக்குப்பதிவு எந்திரங்களில் பதிவான வாக்குகள் எண்ணப்படும் என தெரிவித்துள்ளார்.