சென்னை உட்பட 13 மாவட்டங்களில் இன்று மழை பெய்யும் என சென்னை வானிலை மையம் தெரிவித்துள்ளது.
சென்னை வானிலை மையம் வெளியிட்டுள்ள செய்தி குறிப்பில், தென்மேற்கு பருவமழையின் காரணமாக, தமிழகத்தில், மேற்கு தொடர்ச்சி மலையை ஒட்டிய, கன்னியாகுமரி, திருநெல்வேலி, தேனி, நீலகிரி, கோவை மற்றும் விருதுநகர் மாவட்டங்களில் மலை பகுதிகளில் பருவ மழை பெய்து வருகிறது என்றும், மற்ற ஒரு சில இடங்களில் லேசான மழை பெய்கிறது என்றும் தெரிவித்துள்ளது. இந்நிலையில், திருவள்ளூர், காஞ்சிபுரம், சென்னை, வேலூர், விழுப்புரம், கடலூர், நாகப்பட்டினம், திருவாரூர், நீலகிரி, கோவை, தேனி, திண்டுக்கல், மற்றும் திருவண்ணாமலை ஆகிய மாவட்டங்களில், இன்று லேசானது முதல், மிதமானது வரையில் மழை பெய்யும் என்றும், வங்க கடல் பகுதியில், வரும், 30ஆம் தேதி , காற்றழுத்த தாழ்வு பகுதி உருவாக வாய்ப்புள்ளது என்றும் சென்னை வானிலை மையம் அறிவித்துள்ளது.