அமைதியையும் பாதுகாப்பையும் நிலைநாட்ட விமானப்படை தொடர்ந்து செயலாற்றும் என இந்திய விமானப்படைத் தளபதி பதோரியா தெரிவித்துள்ளார்
இந்திய விமானப்படையின் பயிற்சி முடித்த வீரர்களின் அணிவகுப்பு ஹைதாராபாத்தில் உள்ள விமானப்படை அகாடமியில் நடைபெற்றது. விமானப்படைத் தளபதி பதோரியா நிகழ்ச்சியில் பங்கேற்றார். தொடர்ந்து பேசிய அவர், இந்திய வான்வெளியைப் பாதுகாப்பதில் விமானப்படை சிறப்பாக செயலாற்றி வருவதாக தெரிவித்தார். மேலும் அதிநவீன ஆயுதங்கள் மற்றும் தளவாடங்களால் விமானப்படை நவீனமாகி வருவதாக குறிப்பிட்ட அவர் அனைத்து விதமான சூழலிலும் பணியாற்ற விமானப்படை தயாராக உள்ளதாக குறிப்பிட்டார். மேலும் அமைதியையும் பாதுகாப்பையும் நிலைநாட்ட விமானப்படை தொடர்ந்து செயலாற்றும் எனவும் பேசினார். நிகழ்ச்சியில் விமானப்படை வீரர்கள் பல்வேறு சாகச நிகழ்ச்சிகள் நடைபெற்றன.